Posts

Showing posts from 2016

دونتس دانكن دونتس

Image
هي الوصفة السرية لدونتس دانكن دونتس.. بالتفصيل والتكات هيطلع الدونتس زي اللي بنشتريه هش وطري وجميل جدا.. 




المقادير:
كيس خميرة فورية٢ معلقة كبار مية دافية (لو عندك ترمومتر قيسي الحرارة ٩٨)٣/٤ كوب لبن دافي (سخنيه ٣٠ ثانية في الميكروويف)معلقتين كبار ونص سمنة لو مفيش زبدة١ بيضةربع كوب سكرمعلقة صغيرة ملحكوبايتين ونص دقيق
الطريقة:
في بولة هنحط المية الدافية ونقلب فيها الخميرةبعد كدة نضيف عليهم اللبن والسمنة والبيضة والسكر والملح ونضربهم لحد ما ينعموانضيف كوب واحد دقيق ونخلط لمدة ٣٠ ثانية بعدين نعلي السرعة لمدة دقيقتينبعد كدة نضيف باقي الدقيق ونعجن لحد ما تمتزج خالص والعجينة بتبقى لزجة شوية المفروضنغطي العجين ونسيبه يخمر لمدة ساعة تقريبا في مكان دافي (جمب الفرن)، العجينة هتخمر مظبوط لما نيجي نضغط عليها بصباعنا فنلاقي مكان الضغط موجود كدة يبقي العجين خمر كويسبعد كدة نفرد العجين على سطح مرشوش دقيق ونقطع دواير ووسطها دواير تانية شكل الدونتس يعنيبعدين نغطي الدونتس المتشكل ونسيبه يخمر تاني من ٣٠ – ٤٥ دقيقةنقلي الدونتس في زيت وكل جهة بتاخد تقريبا ٣٠ ثانيةلما تبرد نحط الصوص اللي نحبهلو مش عايزين نعمل ا…

كيكة الموز الهشة

Image
من أفضل أنواع الكيكات اللي سكرها بسيط وخطيرة مع كوباية الشاي باللبن الصبح


المقادير: نص كوب زبدة أو ٦ معالق كبار زبدةكوب الا ربع سكر وللي بيحبوا سكر بسيط ممكن نقلل لنص كوب٢ بيض٣ موز مهروسكوب ونص دقيقمعلقة بيكنج صودانص معلقة ملحمعلقة فانيليا
أنا بزود معلقة كبيرة زبدة فول سوداني وبتطلع خطيرة وبزود كمان نص معلقة روح الموز بتخلي الريحة تهبل للي حابب ممكن نزود قطع شيكولاته أو عين جمل حسب ما تحبوا
الطريقة: ننعم الزبدة والسكر سوانضيف البيضتين وعليهم الفانيليا وروح الموزنضيف الموز المهروس ونقلبننخل عليهم الدقيق وبيكنج الصودا والملح ونقلب كلهنحط المزيج في صينية الخبز المدهونة ومرشوشة دقيقنخبز لمدة ساعة الا ربع على حرارة ١٦٠ درجة
ألف هنا

البراوني الأفضل على الإطلاق

Image
أفضل براوني شيكولاتة من ملوك الشيكولاتة هيرشي بكل التكات والحركات وملحوظات زيادة كمان


المقادير: نص كوب كاكاو هيرشي خام (الوصفة كانت بـ ٣/٤ كوب كاكاو بس الطعم كان شديد قوي فيستحسن نقلل شوية للنص أو الربع كمان)نص معلقة بيكنج صودا٣/٢ كوب زبدة سايحة أو سمنةنص كوب مية مغليةكوبايتين سكر٢ بيضة١ و٣/١ كوب دقيقمعلقة فانيلياربع معلقة ملح

(ممكن بدل نص كوب مية مغلية تبقى نص كوب نسكافيه سخن هتدي طعم أحلي ومختلف، وممكن نزود زينة على مزاجنا زي بريتزل مالح مثلا للوش أو فروستنج، وممكن نزود بندق جوا البراوني وممكن نزود قطع شوكولاته)
الطريقة: نسخن الفرن على ١٨٠ درجة وندهن صينية الخبز زبدة عشان نسهل عملية اخراج البراوني من الصينيةهنقلب سوا الكاكاو والبيكنج صودا ونضيف عليهم نص كمية الزبدةنضيف المية المغلية ونقلب كل الخليط مع بعضنضيف السكر والبيض وباقي الزبدة سوا لحد ما كله يتجانس مع بعضهنضيف الدقيق والفانيليا والملح ونقلب كويسنصب كل الخليط في صينية الخبز ويدخل الفرن لمدة ٣٥ - ٤٠ دقيقة

* لو عايزين نحط ع الوش بريتزل مالح يبقى نحط البريتزل صغير في قعر الصينية قبل الخبز ونصب عليه خليط البراوني ولما يخلص نقلبه هيبق…

تارت البلح

Image
ده اسمه تارت البلح باللوز على أبوه.. ليه على أبوه بقى عشان طعمه خرافة وعمايله بسيطة جدا
المقادير: بلح أسود منزوع النوىكوب دقيقكوب زبدةرشة ملحبيضةعلبة حليب مكثف محلىمعلقتين بودرة كستردنص كوب لبنقرفةفانيليالوز شرايح (ممكن الاستغناء عنه)


الطريقة: نخلط الدقيق والزبدة والملح والبيضة كويس جدا لحد ما تبقى عجينة ونحطها في التلاجة لمدة نص ساعةنفرد العجين في صينية التارت ونخرم العجين بالشوكة وتدخل الفرن على 180 درجة تلت ساعةنطلع قاعدة التارت من الفرن ونرص البلح بشكل دائري نخلط علبة حليب مكثف محلى مع معلقتين بودرة كسترد ونص كوب لبن ومعلقة قرفة ومعلقة فانيليانصب الخليط ده على التارت ونرش على الوش شرايح اللوز وندخله الفرن لحد ما يحمر الوش ويجمد الكسترد وبالهنا

كيكة فطيرة الأناناس

Image
هي كيكة طبقات، أول طبقة كيكة هشة والتانية الفاكهة والتالتة صوص كريمي لذيذ جدا كله على بعض وفي وقت قليل وبسيطة جدا
واحدة زيي مبتحبش الأناناس أصلا.. لكن فعلا عجبني جدا وطلعت الكيكة كلها تجنن في الوصفة دي تقدروا تستعملوا الأناناس، الخوخ أو التفاح في الوصفة دي

المقادير: ٣/٤كوب دقيقنص معلقة ملحمعلقة بيكنج باودرمعلقتين لبن بودرةمعلقة نشا كبيرة٣ معالق كبار سكر بودرةفانيليا٣معالق كبار زبدة طريةبيضةنص كوب لبنعلبة خوخعلبة جبنة كريمي ٦ مكعبات طريةكوب كريمة حلوياتكيس كريم شانتينص كوب سكرمعلقة قرفة

الطريقة:
هنسخن الفرن على ١٨٠ ونبدأ الخليطهنخلط سوا الدقيق والملح والبيكنج باودر ولبن البودرة ومعلقة نشا كبيرة و٣ معالق سكر بودرةنخلط سوا نص كوب اللبن مع البيضة مع الزبدة ونضيف الخليط ده على الخليط الجاف اللي فيه الدقيق ونقلب كله مع بعضهنصب الخليط في صينية الكيك ونرص على الوش الفاكهة بتاعتنا الأناناس أو الخوخفي وعاء منفصل نضرب الجبنة الكريمي لوحدها الأول لحد ما تنعم بعدين نضيف عليها كريمة الحلويات والكريم شانتي ونص كوب السكر ومعلقة القرفة ونضرب كله مع بعضه بعدين نصب الخليط ده على الأناناس أو الخوخ بحيث يتغط…

كب كيك الجنزبيل والعسل الأسود

Image
صحيح الحاجة الحلوة المثالية بالنسبالي اللي فيها شيكولاتة.. بس برضه الواحد ممكن يغير شوية ونعمل حاجات حلوة بنكهات مختلفة.. الجنزبيل والعسل الأسود ريحتهم تجنن والحاجة الحلوة بيهم بتطلع تحفة


المقادير: 3 ونص كوب دقيق2 معلقة صغيرة بيكنج صودا.. ومينفعش نبدلها ببكينج باودر كل حاجة منهم بتتفاعل مع مواد معينةمعلقة صغيرة ملحنص معلقة صغيرة قرنفل مطحوننص معلقة صغيرة حبهان مطحوننص معلقة صغيرة قرفةنص معلقة صغيرة جنزبيل مطحونكوب سكر2/3 كوب عسل أسودنص كوب جنزبيل طازة مبشوربيضاية كبيرة او بيضتين صغيرتينكوب زبدة دايبة (انا بدوب الزبدة في الميكروويف)تلت كوب مياه دافيه

الطريقة: في وعاء نخلط الدقيق مع البيكنج صودا والملح والقرنفل والحبهان والقرفة والجنزبيل مع بعض ونسيبها على جمبفي وعاء اخر هنخلط كوب السكر مع العسل الأسود مع الجنزبيل الطازة المبشور ونقلبنضيف البيض ونضرب بالمضربنضيف الزبدة على الخليط ونضربنضيف تلت كوب ماء ساخن ونقلبنضيف بعد كدة خليط المواد الجافة ونقلب بالسباتولا لحد ما يمتزج كله مع بعضهنوزع الخليط على صينية الكب كيكوتدخل الفرن 180 درجة لمدة 20 دقيقة
وهتشم أحلى حاجة حلوة في الكون بريحة الجنزبي…

كيكة بودنج الليمون الهشة

Image
أحلى حاجة حلوة اللي بتبقى مكوناتها بسيطة جدا وكلها موجودة في البيت.. ولما تبقى الحاجة الحلوة فيها مزازة اللمون مع سكر بتبقى تحفة.. للي مبيحبش حاجة مسكرة اوي وبيحب اللمون دي احلى كيكة بودنج لمون ممكن تاكلها.. الطعم تحفة وسهلة جدا.. تقريبا صعب تبوظ من كتر بساطتها.. يعني لو اتفاجئتي بضيوف ممكن قبل ما ييجو بساعة واحدة تبقي جاهزة بيها :)


المقادير: تلتين كوب سكر بودرةربع كوب دقيقرشة ملح2 بيضتلتين كوب لبنمعلقة خل أو معلقة لمونمعلقتين كبار عصير لمونمعلقة كبيرة بشر لمون

الطريقة: أول حاجة بنعمل حاجة اسمها Buttermilk ودي يعني بنكتل اللبن ونخليه في صورة شبه الزبادي شوية.. هنجيب تلتين كوب اللبن ونحط عليها معلقة لمون أو معلقة خل ونسيبها لمدة 10 دقايق بتتحول لـ Buttermilkنبدأ في الوعاء اللي هنشتغل فيه نفصل صفار البيض عن بياضه.. ونضرب صفار البيض مع عصير اللمون مع بشر اللمون مع الـ Buttermilk اللي عملناهنضيف بعد كدة على الخليط الدقيق والسكر والملح بطريقة النخل ونقلبنضرب بياض البيض لوحده لحد ما تبان رغاوي او فقاقيع وبعدين نضيف رشة ملح ونكمل ضرب لحد ما يبقى مارينج متماسكنضيف المارينج على الخليط اللي فيه صف…

لافا كيك

Image
Molton cake, volcano cake, lava cake سميها زي ماتحب بس الكيكة اللي بتطلع منها شوكولاتة سايحة سخنة وعليها ايس كريم ساقع أحلى حاجة حلوة ممكن تاكلها.. دي أحلى وصفة للمولتن كيك هتطلع مظبوطة وتحفة.. متماسكة من الحروف وشوكولاتة سايحة من جوا


المقادير: 3 صفار بيضبيضتين كامليننص كوب دقيقنص كوب سكر بودرة113 جرام زبدةربع كوب شوكولاتة خام (طبيخ)ربع كوب شوكولاتة بلبن (45% كاكاو)معلقة فانيليا

الطريقة: في بولة هنسيح الزبدة مع كل الشوكولاتة في الميكروويف (على دقيقة واحدة) ساح كلهنضرب كل ده عشان نعمل صوص جاناش.. بعدين نضيف السكر البودرة ننخله شوية بشوية ونقلبنضيف صفار البيض والبيضتين وعليهم معلقة فانيليا ونقلباخيرا نضيف الدقيق ونقلبنوزع الخليط في بولات تكون مرشوشة زيت عشان يسهل استخراجها من القالبوندخلها الفرن لمدة 13  - 15 دقيقة على حرارة 210لما تخرج نقلبها ونحط عليها بولة ايس كريم ساقعة وبالهنا والشفا

لفائف اللحم أو بوفتيك محشي أو ستيك رول

Image
سميها زي ماتحب بس هي رول لحمة محشي اللي تحبه سواء خضار، جبنة، مشروم، بطاطس أو ممكن حتى جزر وكوسة.. فنن على كيفك أنا حشيتها فلفل ألوان وجبنة شيدر


المقادير: لحمه بوفتيك (6 شرايح) أو المقدار اللي تحبوهملح وفلفل وبابريكا مدخنةفصين تومفلفل ألوانجبنة شيدربقدونسمسطردة (انا استخدمت مسطردة بالحبوب الكاملة)معلقة عسلدقيقالطريقة: نقطع الفلفل الألوان جوليان (شرايح بالطول) ونحضر الجبنة الشيدرنفرد قطع اللحمة ونحط عليها ملح وفلفل وبابريكا من برا ومن جوا (مكان الحشو) لإننا مش متبلين اللحمة وبالتالي لو متبلنهاش كويس في الخطوة دي طعمها مش يبقى حلونحط في كل قطعة لحمة جبنة شيدر وفلفل ألوان وبقدرونس ونلف اللحمة على الحشو ونقفل القطعة بعود خشبكل قطعة نحطها في دقيق ثم نقليها في زيت تاخد لون فقطبعد كدة كل قطعة نرصها في بايركس ونعمل الصوص اللي هتستوي فيه اللحمة وهو عبارة عن معلقة مسطردة ومعلقة عسل وفصين توم ومعلقتين ميه لتخفيف حدة المسطردة.. لو هتستعملوا مسطردة عادية مش لازم معلقتين المية دياغطي البايركس بورق فويل ويدخل الفرن على 180 لمدة ساعة
وبالهنا والشفا.. الطعم حكاية

تشوكليت تشيب كوكيز

Image
حاولت كتير أعمل الـ Chocolate chip cookies ومظبطتش معايا غير بالوصفة دي.. الوصفة دي متجربة والنتيجة فوق الممتازة
المقادير: كوبايتين دقيق150 جرام زبدة سايحةنص معلقة بيكنج صودا (مش بيكنج باودر وفيه فرق ضخم بين الاتنين مينفعش حاجة تحل محل التانية)نص معلقة ملحبيضة ساقعةصفار بيضة ساقعة برضهتشوكليت تشيب (انا استخدمت بتاعة هيرشي)2/3 كوب سكر بنينص كوب سكر بودرةمعلقتين فانيليا
الطريقة: أول حاجة هضرب الزبدة السايحة مع السكر البني والبودرة لحد ما يدوبو خالصاضيف البيضة وصفار البيضة والفانيليا عليهم واقلب كله مع بعضهاخلط الدقيق بالبيكنج صودا والملح واضيف الدقيق بشكل تدريجي على الخليط شوية بشوية واقلب لحد ما كله يختلطاضيف التشوكليت تشيب واقلب بسيط عشان بس تتوزعبعدين اجيب صواني الفرن الكمية دي عملت صينيتين واحط فيهم ورق زبدة وأبدأ أكور العجين واحط الكور بشكل متراص بعيد عن بعض عشان الحجم بيزيدادخل الصواني في الفرن على حرارة 170 لمدة 15 - 18 دقيقة لحد ما الحواف تحمر بسيط وأطلعها فيه ناس بتحط الخليط في التلاجة ساعتين قبل ما يدخل الفرن عشان يبقى الكوكيز طري من النص بس بالوصفة دي الكوكيز طلع طري ومقرمش من ا…

كوسة بالبشاميل

Image
في الوقت اللي كل الناس فاكرة إن هشاشة العظام سببها نقص الكالسيوم وانهم محتاجين لبن، الدراسات أثبتت ان النقص بيبقى في الماغنيسيوم وإنهم محتاجين ياكلوا أكل يتضمن الماغنيسيوم.. مفيش أحسن من الكوسة خضار صحي ومليان ماغنيسيوم الكوسة بالبشاميل من أحلى أطباق الخضار اللي ممكن تاكلها وتحضرها بسرعة والأطفال يحبوها


المقادير:
نص كيلو كوسةنعناع ناشفريحان ناشفملح و فلفلبصلتين متقطعين4 تومات مفرومينبشاميل معمولمعلقتين أو 3 معالق لحمة مفرومة متعصجة2 مكعب مرق أو شوربة دجاج جاهزة

الطريقة: نسخن زيت نباتي على النار ونشوح فيه البصلتين لحد ما يدبلوا ثم التوم المفرومنضيف الكوسة النية ونشوحها على النار مع البصل والتومنضيف التوابل (الملح والفلفل والريحان والنعناع) ومعاهم 2 مكعب مرق أو شوربة جاهزةنضيف شوية مية ونسيب الكوسة تستوي شويةنجيب البايركس أو لو نفس الوعاء اللي طبخنا فيه بينفع يدخل الفرن نكمل عليه نرص الكوسة في الصينية وفوقيها لحمة مفرومة وعليهم ع الوش البشاميللو حابين نزود جبنة رومي أو جبنة باميزان أو موتزاريلا ممكن بس أنا محبتش ازود الدهونندخلها الفرن نص ساعة ونفتح الشواية عشان البشاميل ياخد لون وخلاص بال…

الكب كيك الهش بالفانيليا وقطع الشوكولاته

Image
سر ان الكب كيك ده هش جدا هو التبديل بين اللبن والدقيق مع الخلط بينهم.. بس النتيجة فوق الممتازة.. كب كيك ناجح وتحفة فعلا


المقادير: 2 كوب دقيق2 بيضة في درجة حرارة الغرفةنصف كوب زبدة في درجة حرارة الغرفة او 113 جرام زبدة2 معلقة بيكنج باودرنصف معلقة ملحثلاثة ارباع كوب سكركوب لبنقطع شوكولاته حسب الرغبة Chocolate chipsنصف معلقة فانيليا

الطريقة اسخن الفرن على 150 درجةاضرب الزبدة أنعمها بعدين انزل عليها بالسكر ونضرب بعدين انزل البيضة بيضة بيضة واضرب خالص وعلى البيض اضيف الفانيليابعدين اضيف جزء من الخليط الجاف الدقيق والملح والبيكنج باودر بنزل بيهم وأنا بنخلهموجزء من اللبن وجزء من الدقيق وجزء من اللبن واضرب وهكذا لحد ما اخلص(ابدا بالدقيق واخلص بالدقيق)بعدين اضيف التشوكليت تشيبس (قطع الشوكولاته) واقلب بسيط يادوب بس يتوزعوا جوا الخليطبعدين ارص الخليط في ورق الكب الكيك المدهون زيت وع الفرن لمدة  18 دقيقة على فرن 150 درجة

تارت الليمون

Image
دي وصفة التارت الأصلية لأينا جارتن، ممكن نعمل قاعدة التارت دي ونعمل أي حشو نحبه، ممكن كاسترد شوكولاته أو كاسترد سادة أو فواكة أو كاسترد لمون اللي هو بيسموه Lemon Curd وده اللي عملته المرة دي وعليه مارينج وشويته في الفرن أحسن حاجة في الوصفة دي إنك مش هتشتري أي حاجة ليها، كلها حاجات من التلاجة والمخزن بتاع المطبخ، أما الطعم ففعلا خرافة ومحدش هيقدر يقاوم

فيه افكار كتير للتارت، ممكن نعمله في صينية كبيرة أو نعمل تارت صغير في قوالب الكب كيك.. أو ممكن نستخدم حشو اللمون مع بسكوت بزبدة زي قاعدة التشيز كيك ونستغنى عن الفرن خالص!




المقادير لقاعدة التارت: 125 جرام زبدة أو ١٢ معلقة كبيرة زبدة أو ٣/٤ كوب زبدة ساقعة1/2 كوب سكر بودرة أو تلات ارباع سكر عاديرشة ملحكوبايتين الا ربع دقيقبيضة
لو عندك بندق او لوز او عين جمل، اي نوع مكسرات من دول لو اتطحن ودخل مع الدقيق بيغير الطعم خالص ويخليه أروع وأحلى أنا استخدمت لوز مطحون وكملت عليه دقيق لحد ما عمل كوبايتين الاربع
الطريقة: انعم الزبدة باني اضربها الاول بعدين اضيف السكر واضرببعدين اضيف البيضة واضرب ثم الدقيق والملح واضرببعد ما تبقى عجين بندخلها التلاجة ترتاح…

دجاج بالبرتقال على الطريقة الصينية

Image
الوصفة سهلة جدا وطعمها حلو جدا وهيعجبكوا بالذات لو عندكوا أطفال هيعجبهم لانه شبه أكل شارع بس انضف طبعا


المقادير: اوراك دجاج منزوعة الجلد ومتقطعة صغير.. الوصفة دي أحلى بالورك لإنه بياخد من التتبيلة2 بياض بيضمعلقة كبيرة نشا

مقادير الصوص: نصف كوب عصير برتقال فريش أو علبةمعلقة كبيرة صويا صوصمعلقة كبيرة سكر بنيمعلقة كبيرة خلربع معلقة زيت سمسم (لطيف جدا وبيدي نكهة مختلفة ومش غالي لاننا هنستخدم منه نقط وبيقعد وقت طويل)ملح وفلفلفصين توم مهروسينمعلقة كبيرة جنزبيل مبشورمعلقة صغيرة نشازيت قلي


الطريقة: نقطع الأوراك قطع صغيرةنخلط معلقة النشا الكبيرة مع بياض البيض وننقع الفراخ في الخليط ونسيبها لحد ما نحضر الصوصأنا سيبتها نص ساعة في التلاجة شوية بعدين طلعتها وقليتها في زيت غزيربعد كدة نطلعها تصفي زيتهالتحضير الصوص هنحط نصف كوب عصير البرتقال على نار متوسطة وعليه الصويا صوص ومعلقة السكر وزيت السمسم والخل والملح والفلفل والتوم والجنزبيل ياخدوا غلوة ونسيبهم خمس دقايق يغلوابعدين نحط قطع الفراخ في الصوص على النار ونقلب كله مع بعضه دقيقتين وبالهنا والشفا انا عملت جمبه نودلز تشاو ماين.. هتنزل وصفتها في البوست ا…

دجاج إندونيسي بالجنزبيل

Image
الصراحة الوصفة تبدو بسيطة جدا، إنما الطعم في النهاية أكثر من رائع الممتع في الوصفة بها غير بساطتها وسهولتها إنها مبتاخدش في التحضير اكتر من ربع ساعة وممكن تتعمل كلها وتتشال في التلاجة وتاني يوم قبل الأكل بس تدخل الفرن تستوي.. فعلا دي وصفة مثالية في وجهة نظري طبعا الوصفة لأينا جارتن


المقادير: كوب عسل3/4 كوب صويا صوصربع كوب توم مهروس أو 10 فصوص توم مهروسيننصف كوب جنزبيل فريش (ممكن مبشور بس انا حطيته قطع بحاله وكان نكهته باينه جدا)دجاجة أو اتنين مقطعين 8 قطع وكل ما القطع تزيد كل ما السوى يكون أحلى

ملحوظة: أنا زودت ورق لورا على الصينية وممكن فصين حبهان لزفارة الفراخ بسومع نفسي اكتفيت بتلاتة ارباع كوب عسل وربع كوب ترياكي صوص تعادل ملوحة الصويا صوص وكانت تحفة

الطريقة: في كسرولة هنحط الصويا صوص والترياكي صوص والعسل والتوم والجنزبيل وعلى النار المتوسطة لحد ما العسل يسيح تمامانرص الدجاج في البايريكس (نخلي جلد الفراخ تحت) ونضيف عليها الخليط اللي كان على النار ثم اضيف ورق اللورا والحبهان واغطيها بفويلوتبات الفراخ في التتبيلة لتاني يوم وتدخل الفرن على حرارة 180 لمدة نصف ساعةبعدين نشيل الفويل ونقلب الف…

التتبيلة المميزة لكل أنواع اللحم

Image
دي خلاصة البحث عن تتبيلة لعدد من أنواع اللحم، والخلاصة دي وصلتلها من وصفات كتير وانتهيت بالمقادير دي التتبيلة دي حققت نجاح مبهر في كل العزومات، واتحدي بيها أي حد يدوقها ومتعجبوش صراحة اما عن أنواع اللحم اللي جربتها فيها فمشيت تحفة مع الريش ضاني أو بتلو وحتى مع كباب الحلة كانت التتبيلة أكثر من ناجحة، وبالتالي برضه لو عملتها مع شرايح البوفتيك هتبقى ممتازة نصيحتي بس لو هتعملها مع كباب حلة تقطع قطع اللحم صغيرة عشان تستوي بسرعة وتاخد من التتبيلة ألذ حاجة في التتبيلة بقى انك ممكن تعملها وتبات فيها اللحمة أو تعملها وتسوي اللحمة فيها في الفرن علطول


المقادير: كوب زيت زيتون أو زيت نباتينصف كوب صويا صوصربع كوب وورشستر صوصمعلقة صغيرة ملحمعلقة صغيرة فلفلبقدونس (اذا مفيش مش هيأثر في التتبيلة كتير)نصف كوب خلمعلقتين توم مهروس أو 8 فصوص توم مهروسينربع كوب ترياكي صوصربع كوب عسلربع كوب باربيكيو صوص معلقة بابريكا مدخنة مش البابريكا العاديةعود روزماري ممكن نزود للي يحب معلقة جنزبيل مبشورولو عندك بودرة ريحان أو ورق ريحان هيدي ريحة ونكهة حلوة  جربيها مع نوع اللحمة اللي تحبيه ومفيش مرة هتخذلك :)

تارت الخوخ

Image
للي بيحب حاجة حلوة مش مسكرة قوي ومش تقيلة، التارت ده مناسب جدا ليه الخوخ اللي استخدمته هنا كمبوت الخوخ بس ممكن نستخدم خوخ طازة لو حابين، نقشره ونقطعه

المقادير: كوب وربع دقيقنص كوب زبدة ساقعة أو في درجة حرارة الغرفة بس متبقاش سايحةمعلقتين كبار Sour Cream كريمة حامضةللحشو: 3 صفار بيضمعلقة روح اللوز أو ممكن استبدالها بالفانيليا3/4 كوب سكر3/4 كوب كريمة حامضةربع كوب دقيقوالخوخ يقطع شرايح
الطريقة: أول حاجة هخلط مقادير القاعدة الدقيق مع الزبدة مع الكريمة الحامضة لحد ما تبقى عجينه وافردها في صينية التارت وادخلها الفرن ربع ساعة على 180 درجةاخرج القاعدة بعد ما تكون نشفت شوية واسيبها تبرد واحضر الحشوارص عليها شرايح الخوخ واغطي القاعدة كلها بيهابعدين اضيف الخليط التالي: صفار البيض عليه معلقة روح اللوز والسكر والدقيق والكريمة الحامضة واضرب كله بالمضرببعدين اصب الخليط ده على الخوخ والتارت وادخله الفرن لمدة ساعة على 160بعد ما يخرج التارت ممكن ازينة بلوز صحيح أو مكسر انا استخدمت المياه اللي كان محطوط فيها كمبوت الخوخ وحطيت عليها نشا وعلى النار شوية وغطيت بيه التارت عشان يدي نكهة ولمعة وبالهنا والشفا