دجاج إندونيسي بالجنزبيل

الصراحة الوصفة تبدو بسيطة جدا، إنما الطعم في النهاية أكثر من رائع
الممتع في الوصفة بها غير بساطتها وسهولتها إنها مبتاخدش في التحضير اكتر من ربع ساعة وممكن تتعمل كلها وتتشال في التلاجة وتاني يوم قبل الأكل بس تدخل الفرن تستوي.. فعلا دي وصفة مثالية في وجهة نظري
طبعا الوصفة لأينا جارتن



المقادير:
  • كوب عسل
  • 3/4 كوب صويا صوص
  • ربع كوب توم مهروس أو 10 فصوص توم مهروسين
  • نصف كوب جنزبيل فريش (ممكن مبشور بس انا حطيته قطع بحاله وكان نكهته باينه جدا)
  • دجاجة أو اتنين مقطعين 8 قطع وكل ما القطع تزيد كل ما السوى يكون أحلى


ملحوظة:
  • أنا زودت ورق لورا على الصينية وممكن فصين حبهان لزفارة الفراخ بس
  • ومع نفسي اكتفيت بتلاتة ارباع كوب عسل وربع كوب ترياكي صوص تعادل ملوحة الصويا صوص وكانت تحفة


الطريقة:
  1. في كسرولة هنحط الصويا صوص والترياكي صوص والعسل والتوم والجنزبيل وعلى النار المتوسطة لحد ما العسل يسيح تماما
  2. نرص الدجاج في البايريكس (نخلي جلد الفراخ تحت) ونضيف عليها الخليط اللي كان على النار ثم اضيف ورق اللورا والحبهان واغطيها بفويل
  3. وتبات الفراخ في التتبيلة لتاني يوم وتدخل الفرن على حرارة 180 لمدة نصف ساعة
  4. بعدين نشيل الفويل ونقلب الفراخ نخلي الجلد فوق ونكمل نصف ساعة تانية داخل الفرن 
وبألف هنا وشفا.. انا عملت جمبها بطاطس مخبوزة (جاكيت بوتاتو) في الفرن بس ممكن جمبها رز أو مكرونة زي ما تحبوا 

Comments

Popular posts from this blog

تيراميسو كلارا - التيراميسو الإيطالي الأصلي

دجاج بالترياكي من واجاماما

الكب كيك الهش بالفانيليا وقطع الشوكولاته