دونتس دانكن دونتس

هي الوصفة السرية لدونتس دانكن دونتس.. بالتفصيل والتكات هيطلع الدونتس زي اللي بنشتريه هش وطري وجميل جدا.. 




المقادير:

  • كيس خميرة فورية
  • ٢ معلقة كبار مية دافية (لو عندك ترمومتر قيسي الحرارة ٩٨)
  • ٣/٤ كوب لبن دافي (سخنيه ٣٠ ثانية في الميكروويف)
  • معلقتين كبار ونص سمنة لو مفيش زبدة
  • ١ بيضة
  • ربع كوب سكر
  • معلقة صغيرة ملح
  • كوبايتين ونص دقيق

الطريقة:
  1. في بولة هنحط المية الدافية ونقلب فيها الخميرة
  2. بعد كدة نضيف عليهم اللبن والسمنة والبيضة والسكر والملح ونضربهم لحد ما ينعموا
  3. نضيف كوب واحد دقيق ونخلط لمدة ٣٠ ثانية بعدين نعلي السرعة لمدة دقيقتين
  4. بعد كدة نضيف باقي الدقيق ونعجن لحد ما تمتزج خالص والعجينة بتبقى لزجة شوية المفروض
  5. نغطي العجين ونسيبه يخمر لمدة ساعة تقريبا في مكان دافي (جمب الفرن)، العجينة هتخمر مظبوط لما نيجي نضغط عليها بصباعنا فنلاقي مكان الضغط موجود كدة يبقي العجين خمر كويس
  6. بعد كدة نفرد العجين على سطح مرشوش دقيق ونقطع دواير ووسطها دواير تانية شكل الدونتس يعني
  7. بعدين نغطي الدونتس المتشكل ونسيبه يخمر تاني من ٣٠ – ٤٥ دقيقة
  8. نقلي الدونتس في زيت وكل جهة بتاخد تقريبا ٣٠ ثانية
  9. لما تبرد نحط الصوص اللي نحبه
لو مش عايزين نعمل الكمية كلها ممكن نقسم العجين قبل ما يخمر ونشيل جزء منه في الفريزر لمدة شهر والتلاجة لتاني يوم أو اللي بعده

Comments

Popular posts from this blog

تيراميسو كلارا - التيراميسو الإيطالي الأصلي

البراوني الأفضل على الإطلاق

دجاج بالترياكي من واجاماما