Chicken Pot Pie فطيرة الدجاج

طعمها وريحتها هتقلب كل الموازين وهتخلي اللي بيفكر يدوق يخلصها كلها مرة واحدة.. حاجة كدة تحفة جدا ومغذية جدا جدا



المقادير: (لكمية تكفي ٤ أفراد)
  • نص كيلو صدور دجاج مقطع قطع صغيرة
  • تشكيلة خضروات (كرفس - جزر - بسلة - فاصوليا - مشروم - ذرة صفراء - بطاطس مكعبات) أي نوع خضار نحبه بس الأساسي في الفطيرة دي الكرفس والجزر لازم
  • بصلة متوسطة
  • فصين توم مفرومين
  • ملح وفلفل
  • معلقتين دقيق كبار
  • معلقتين زبدة كبار
  • كوب ونصف لبن كبير
  • مكعب مرقة دجاج ماجي
  • بف باستري أو عجينة الرقائق الهشة (من أي سوبر ماركت)
  • بيضة



الطريقة:
  1. نشوح البصلة في الزبدة ع النار ونضيف المشروم
  2. نضيف الكرفس والجزر وباقي الخضار مع الدجاج
  3. نضيف التوم والمرقة والملح والفلفل ونقلب
  4. نضيف معلقتين الدقيق الكبار ونقلب المكونات لحد ما تتقل
  5. نضيف الكوب ونصف لبن الدافي وممكن نزود نص كوب ميه لو لقيناها محتاجة سائل أكتر
  6. نسيب الخليط لحد ما كله يستوي ونطفي عليه (ممكن ندوق في المرحلة دي عشان نتاكد ان الفلفل والملح وكله مظبوط في خليط الدجاج)
  7. نصب الخليط في طواجن الفرن ونحط على وش كل طاجن البف باستري ونخرمها بالشوكة
  8. ندهن الوش بالبيضة عشان تاخد لون
  9. تدخل الفرن على ٢٠٠ لمدة ٢٠ دقيقة






Comments

Popular posts from this blog

تيراميسو كلارا - التيراميسو الإيطالي الأصلي

البراوني الأفضل على الإطلاق

دجاج بالترياكي من واجاماما