دجاج مشوي بالزيتون والطماطم

من الوصفات السريعة والمختلفة لصدور الفراخ البانيه اللي بنزهق منها، الوصفة للطباخ البارع جيفري زاكاريان




المقادير
  • صدور بانيه رفيعه أو ندقها
  • نصف كوب زيتون كالاماتا
  • حزمة بقدونس مقطعة
  • بصلة مقطعة
  • فصين توم مهروسين
  • ملح وفلفل
  • كوب طماطم تشيري مقطع أنصاف
  •  ربحان مقطع
  • ربع كوب خل تفاح أو خل عادي
  • نصف كوب مرقة دجاج
  • معلقة كبيرة مسطردة


الطريقة:
  1. ندق صدور الفراخ أو لو متقطعة بانيه رفيع يبقى نستعملها علطول نعملها التتبيلة
  2. نبدأ بمعلقة بصل متقطع وعليه فص واحد توم مهروس وزيت زيتون والبقدونس والفلفل وننقع الفراخ فيه من ٣٠ دقيقة لحد ساعة بالكتير مش أكتر من كدة
  3. مش هنحط ملح دلوقتي
  4. نجيب الطاسة ونسخنها جدا بعد ما تسخن نحط فيها معلقتين زيت ونحط ملح وفلفل على جانبي الفراخ ونشوحها في الطاسة علطول
  5. كل جانب هياخد من ٣-٤ دقايق لحد ما يبقى لونها دهبي ونقلبها بعدين نطلعها ونغطيها بفويل عشان تكمل سوى
  6. في نفس الطاسة اللي مطرحها تشويح الفراخ هنزود معلقة زيت لو نشفت ونسخن الطاسة ونحط أول حاجة معلقتين بصل مقطع صغير ونقلب ثم نضيف الزيتون المقطع ثم نضيف الخل ونكشط الطاسة عشان تطلع كل النكهات
  7. نضيف مرقة الدجاج ثم نضيف عليها العصارة اللي نزلت من قطع الفراخ ونقلب
  8. بعدين نضيف معلقة مسطردة والطماطم التشيري والبقدونس المتقطع ونقلب
  9. ممكن نزود ملح وفلفل لو محتاج ونسيبه يغلي سوا لمدة دقيقتين  
  10. نرص الفراخ في الطبق وعليها صوص الزيتون والطماطم التشيري ونزين الطبع بالريحان (ممكن منحطوش لو مش موجود) وبالهنا والشفا

Comments

Popular posts from this blog

تيراميسو كلارا - التيراميسو الإيطالي الأصلي

دجاج بالترياكي من واجاماما

دونتس دانكن دونتس